مركب ورق

مركب ورق
……………
أحلام كتير
مرسومه فوق
مركب ورق
مقصوص
على جسر
الحقيقة واتلزق
مركب كبير
لكن فى قلب
الغدر باش
فصلى يلا
من القماش
بدلة سودة
ولف راسي
بخيط وشاش
بس خايف
من السكات
ومن القلق
هو فى حلم
يا عالم
يتسرق
يا ناس
دى شر
وحلم مر
والف واحد
من البكى
سبوه لحد
ما اتفلق
وألف خطوة
وقلب جاحد
فيه ايه يسر
دى ألف وردة
تحت شمس
الإنسانية
بتتحرق
يا حلمي آه
دى لون سماك
ساعة الغروب
بيقطفوه
من الحياه
طب سيبوه
يمكن يتوب
ده كان جعان
ونفسو مرة
يشوف فراخ
غطسانة فى
بحر المرق
يا ناس
ده حلمي
وخدينو مني
ومضيني على
الورق
ما تيجو نبنى
بيت كبير
واكون أمير
معاه أميرة
قعده جنبو
او تيجو نرسم
فوق كتاف
الحلم ريشة
من جناح
يمكن يطير
ومعاها ذنبو
أو حتى افوق
وقول لكل
الطيبين
ياريت سماح
يا إما اموت
ويدارو دمي
فى التابوت
وان سألو عني
قول سكوت
يا عيني مات
جوه حلمو
من الغرق بقلم .... عاشق النيل وائل محمد صديق