أيمن نصر

( هيه )
بقلم ( أيمن نصر )
****************
هيه اللي فتحنا عنينا
لقينا ضحكتها جنينه
هيه اللي حضنها حامينا
هيه اللي سمت أسامينا
هيه اللي ماسكة ف إدينا
تسند توجه خطاوينا
ولا أجدع ملاح ف المينا
هيه اللي دايما تدفينا
بقنطار حنان يكفينا
هيه اللي جاعت وتغدينا
تنام جعانة و تعشينا
هيه اللي دارت بلاوينا
هيه اللي سهرت تداوينا
هيه اللي تدعي ينجينا
رب الخلايق يشفينا
هيه اللي شوفنا بعنينا
لمعة دموعها في عنيها
لما الزمان غدر بينا
هيه اللي ياما تودينا
لاسلم طريق يعدينا
هيه اللي ياما تخلينا
نبعد بعيد عن معاصينا
هيه اللي كرمها حامينا
هيه اللي خيرها يغطينا
هيه العطا مهما نسينا
هيه العبير في جنينه
هيه النسيم في التراسينا
هيه السفينه والمينا
وهيه ملاح خطاوينا.
هيه اللي حنانها مالينا.
الخير منها يغطينا
هيه حاضرنا وماضينا
بدعوتها دايماً يراضينا
رب الخلايق ينجينا
عشان ذكرت أسامينا
في دعواتها و أمانيها
كرم ربنا كان لينا
لما كانت حوالينا
بدعي ربي اللي حامينا
يشبك إيديها في إدينا
وجوه الفردوس يخلينا
وعند الحوض يسقينا
شربه هنيه تروينا.
بقلم ( أيمن نصر )
دمتم في رعاية الله.