( اتوجعنا )
تعالوا نقول ع اللى ظلم
واللى حكم من غير ميزان
واللى قالوا علينا ياما
أنه كان وكان وكان
تعرفونا طيب كويس
تعرفوا امتى الكلام
منا يطلع ساعة وجع
كله اه مليان الام
حالنا مره جربوه
أو حياتنا ف يوم عيشوها
عيشوا يومنا من بدايته
والله صعبه وجربوها
شوفوا وقفتنا ف طابور
لجل نلحق رغيف فطور
شوفوا لما كنا نجرى
نلحق لنا حتى يوميه
بكام جنيه
شر البليه والله يضحكنا
يا بيييه
طيب تعرفوا حالنا ف مرضنا
والطبيب والاستشاره
والتعالى منه يغيظ
ولما ايدينا دايما قصيره
بيضيعوا مرضانا ف اللذيذ
حسيتوا مره بوجعنا
لما حالنا ف يوم وجعنا
والبطون صابها العفن
شفتوا ميتنا ف كفن
مات بحسرة ايد ضعيفه
مش قادره حتى تسد جوعنا
واتوجعنا
من سنين هم وعذاب
ابو رامى الاسوانى
٢٠٢٣/٢/١٥
ديوان المبدعين العرب 