مبروك
*****
قدمت وردتين
لحبيبه وصديق سنين
والدمع في قلبي باكي
والبسمات كدابين
سلمت عليه وخدني
والنار براكين
وايديه دافيه وناديه
وايديا بردانين
لمحت بعيني هى
الحُب اللي كان
دا مش كدبه يا قلبي
جواب الدعوه كان
غابت عن عينيا
صور الموجودين
وعنيها جت في عينيا
تايها وحيرانين
بتقولي حاسه بيك
أنا زيك في الكوى
قال القدر مش ليك
اعشق معاك الهوى
ومشيت في الدنيا هايم
جوايا ألف سؤال
ليه العشق مش دايم
والفرح علينا مُحال
ليه الشوق من نصيبنا
والمواويل بُكا
ولا قلب يا عيني إلاّ
م الهوى اشتكى
وفي كل بيت جريح
وفي كل ليل سهارا
الدايب تفاريح
والهايم ليل نهارا
أصعب دموع
دمع القلوب
بين الضلوع
ذكرى محبوب
وعيون حبايب
في يوم قتلوك
آه مبروك
الشاعر السيد حسن….
ديوان المبدعين العرب 