(الحب هو سر الأمان)
وآه من الحب يانا هو سر الأمان
بس يرضي علينا ويفرحنا بيه الزمان
كل الهموم ح تهون ع الفقير والغلبان
وح يخلي الرضا والقناعه تطفي نار النفوس ولو كان بركان
والبركه لما تزيد ح تبارك في العيشه والمال
ومادام كسبت حلال ح تلاقي راحة بال
والرزق عمره ماكان ياناس بس مال
ممكن يكون صحه وبركه في العيال
والسعاده الحقيقيه في الحب والحنيه
حتي لو ح ناكل بطاطس مسلوقه مش مقليه
والتعاسه في القسوه والأذيه ولو ساكن في قصر وبتاكل من الأصناف ميه
دوروا علي الحب جواكم ح تلاقوه
وإسألوا اهل الملايين عنه مش ح يعرفوه
ارجعوا لبساطة اهاليكم والخير لبعض إتمنوه
ح تحسوا بالحياه والنعيم أكيد ح تشوفوه
الرضا والصبر من قسوة الدنيا الفانيه ح يعدينا
وللجنه الباقيه ح ياخدنا ويودينا
وياخوفي من قسوة قلوبنا وطمعها لما تسرق مننا الأيام
وما راحت تاخُدنا ولا تودينا غير للهموم والألآم
اما الحب والحنيه آه منهم يآنا
ح يخلوا قلوبنا بالخير والمحبه لبعض عمرانه
وآه منك ياحب آه لما نتهني بيك وحبيبنا هو نصيبنا ومعانا
هنلاقي كل حبيب راح يزيد ويفيض بهواه
لاحيره ولا غيره ولا فقر ح يغيروا يوم صفاه
ويفضل الخير عايش جوانا ومنور قلوبنا بضياه
ويرجع العشق والغرام والإحساس زي زمان
وتحس بيه قلوبنا في كل مكان وأوآن
واه من الهوى وحنانه
ح تلاقوا قلوبنا عايشه علشانه
ومهما كان الزمان وهوانه مافي حبيب راح يجرح يوم أحبابه
دي كلمة حب بعطف وحنيه
ح تنسينا كل هموم الدنيا ديا
ولمسة إيد ولحظة حنان ح تخلي الدنيا أحلي دنيا
وراح يصعب علينا اللي فات من عمرنا
واحنا بنفكر في الأسعار وبنلعن في حظنا
ياما ناس بتاكل اشكال والوان وقلوبها تعيسه ومليانه قسيه
بالبساطه والرضا والقناعه
ح نشوفوا الدنيا بعين شبعانه
والبركه مش ح تخلي بطونا أبداً يوم جوعانه
وتعود الفرحه والأمل جوانا
والخير ح ينور طريقنا مادام ربنا معانا
خزاطر ( اشرف الدغيدي)
حقوق النشر محفوظه
ديوان المبدعين العرب 