لفوو الليل
محمود الدخميسي
لفووو. الليل بعبايه
بدراع مكشوف
ومشواا يقولوا يابلد
.و الناس واقفه صفوف
والكل. قال آه لوكان بيدي.
كنت عملت وسويت
أهو مال البخت. علي الشطين
الناس برضوا واقف علي الصفين
إللي يقول مبروك
وإللي يقول. الدوام لله
أهي مجامله. ياتصيب ياتخيب
أهي لعبه. زى ورقه يانصيب
ياتبات كسباان. ياتبات زعلان
ولا إيه رأيك يابن النيل
فيه فرق كبير. بين حنه وحنه
حنه تداري الشيب. تحت مشنه
وحنه. مرسومه. لحمام يتهنا
لفوووو الليل بعبايه
بدراع مكشوف
ماشي وكله كسوف
بيقول أنا الليل
.سكن ونغم وسكون
وكأنه عمل معمول
شال الحكمه من العقول
سابوني. عريان مكشوف
والناس حوليا صفوف
نست حتي المعروف
حتي الكلمة من غير تفكير
تجرح فيا. زي السكين
وفي نفس الوقت
يقولو الله يعين
طبعاً. ربنا معين وكريم
بس الفرق كبير
إنك تستر. وداري العيب
وانك تفضح. بحضن حبيب
لو مل الصبر. من سكان القبر
يبقي الليل. علي كشف ستره حزين
ديوان المبدعين العرب 