سوق النخاسة شعر خيرى خليل مصر
الكل بيبيع ويشتري
لا من شاف ولا من دري
المهم كروش تتملي
فى بدل ناس على الغلابة تفتري
بعصبية وكياسة قلعت توب الخوف
لبست أزياء النجاسة ركنت ع الرفوف
مبادءها وضميرها تتباع بسوق النخاسة
عرق الكادحين تمن سطوة الملاعين
دموع المظلومين قربان معابد الأفاقين
كرباج ولجام أحلام متحطمة وسط سنين
متلونين بلون الدم وملايين شايلة الهم
سجين وسجان ملاك وشيطان
قطر الحياة تاريخ داير معاه فى سباق
على صفحات من غير قضبان ولا سواق
حكايات بتسلم حكايات تحكي ساعات
وتخبي ساعات بالكلام والسكات
الي بيرضي بالفتات مرفوع الهامة
بكرامة بنفوس ابية وسط وحوش قوية
بيحلم بدنيا امنيات عز وحرية و عدالة انسانية
لا فيها ظلم ولا تعاسة ولا اوهام بتتباع فى أسواق النجاسة
ديوان المبدعين العرب 