من قصيدة(أمسية نيلية)
*******بالعامية المصرية
*************
( ١ )
قال القمر:
أنا من زمان عايش لوحدي
زي نيل
يوم بنحزن…
يوم بنرقص م الفرح…
والنبض شافك طيف معدّي
بين النخيل
قلبي انشرح…
*************
( ٢ )
لما جات سيرتك
_يا غالي_
ف الكلام
فرح الكلامْ
نسينا بكره
طفينا جمرو
كتبنا على الميّة سلامْ…
قضّينا لحظات في العتاب
لحظات هنيّة…
ونّسُونا النيل وقمرة
وشجرة
دافنة جذورها فيّا..
*********
( ٣ )
أصل العتاب هو والغرام
عايشين سوا
عايشين ف غربة…
والبسمة اللى بتترسم
فوق الوشوش
بسمة أمل وحنين وذكرى …
*************************
بقلمي
أحمد سرحان
ديوان المبدعين العرب 