شعور غريب…..
لما تكون ضعيف …..
تلقى الخواطر تسبقك لليأس…..
وتفضل وحيد….
تبقى مش عارف تعمل إيه …..
والدنيا كلها مش راضيه… بيك….. أو عليك
حتى لوكنت البطل الشديد……
حتى لوكنت الأول …..فى السباق…..
تلقى كل الجمهور….. بيسقف للأخير …..
تبقى مش عارف تضحك….. واللا تبكى…..
واللا تخرج…. م السباق ……
.وتسيب التراك….. للى…. بيسقى النجيل….
لما تكون طيار …..ويقولوك …..
محتاجين وبس….. سواق لتوكتوك…..
لأجل ما الواد….حمكشه شغلوه….
وإختاروه…. طيار برخصة ….
لأجل عمه…. كان وزير …..
واللا تكون أديب وشوقى…. أو نجيب
واللا إحسان …..أو أنيس ….
ويقولولك محتاجينك بس ….. للأطفال جليس
تبقى مش عايز تنام …..
وحتى لو نمت تبقى مش عايز …..
برضو تصحى ….وأصحى ليه ….
لما أكون فى عيون …..
الوطن مليش وجود …..
وماليش حقوق …..
يبقى الهروب هو بس ……
حلى الوحيد…
الحقيقه مابقيتش عارف ….
مين اللى بيحكم فى البلد ….
القانون….. واللا الضمير ….
والقانون فرقوه…. عالمسؤلين ….
وكل واحد ….أخد له ماده …..
وعمل مخده…. بتريحه…. وبينام عليها….
فى السرير ….
والضمير بقي سلعه بايره ….
ملهاش طلب …..
صدروه للى لسه هيبتدى….
مشواره وفى الطريق ….
يمكن يفيده… لحد مايعمل قانون ….
وبلاش عتب …. وبلاش ألوم….
سعيد عزب
ديوان المبدعين العرب 