عجبتني الجملة الأولي فكتبت عليها
سيب المجروح
سيب المجروح في همه
متقلبش المواجع
ربك عالم بألمه
هو لواحده اللي سامع
يا تحاول يوم تخففّ
يا بلاش منك كلام
إبعد خليك في نفسك
ضرب الميت حرام
الواحد جوه منه
هموم ملهاش حدود
متجيش على روح ضعيفة
خليك طيب و جود
باللي تقدر عليه
لو بالكلمة تواسيه
حِس بغيرك تلاقي
فرْح مكنلوش وجود
لو كنت في نعمة إحمد
ربك في كل وقت
إوعى تفكر شطارتك
سبب إنك إترزقت
ربك رازق الديدان
وسط حجر صوّان
شوف اللي تحت منك
حتقول أنا و الله فوقت
شريف الرومي
ديوان المبدعين العرب 