إخذ عمري وياك
لا تغادر روحي من عگبك تهاجر
والگلب خلافك يتيم يكسر الخاطر
مو آنه وأنتَ من الزغر عش وحمامه
وحبنه من ذاك الوگت چلمه ويشاعر
هم شايف فجر يحضن الدنيا بلا شمس
لو عاشگ توالي الليل خالي من المشاعر
شلون عيني تنام بلايه ماحس بوجودك
والسنابل ترگص ويالروح بخدود البيادر
لا تخلي حروف حبنه محيِّره بين السطور
والضحكه فوگ الشفه مخنوگه وتصابر
إخذ عمري وياك لو رايد تروح وتبتعد
والدمع لو جَنْ عليه الليل مايگدر يكابر
تذوب الروح وي الريح من تشتم عبيرك
وتشب النار بضلوعي من أقره الخواطر
ورد أذَكْرَكْ حته ما تنسه وتگلي اشغيِّرچ
ورد أگلك آنه أحبك گبل متروح وتسافر
ورد أگلك لو إجيت بعد ميطول السفر
ما أضنْ تلگاني عدله تقره إسمي بالمگابر
علي المحمداوي
ديوان المبدعين العرب 