سعيد عزب

وشك بشوش….. يا ولد

فيه البراءه بتتولد….

وشك بشوش يا ولد

يابن البلد ….فلاح ….صعيدى …..

حر…. وأسد ….

ومصرى واصيل….. من الجدود

من أم وأب …..وشبل لسه هيتولد
‏
وشك بشوش يا ولد

وشك بشوش….زهر الربيع

من غير رتوش …..بيبتسم

وف بسمته …..يرعب جيوش ……

والبسمة راسمه الإنتقام

على جناح الحمام ……

مهما قالوا فيه…… إتفاق….. أوفيه سلام

كل اللى بينا بندفنه…… جوه القلوب

وبيصحى غصب عننا ……وقت اللزوم

أصل البطوله…… مش بالسلاح او بالفحوله

ولا باللماضه…… وكتر الكلام

والبسمة راسمه…… الإنتقام

م اللى خياله…… ساكن شيطان

لو كنت عنه….. ف يوم بعيد

أو حتى جارك ع الحدود…..

أوشفته يوم ….ع الشاشات

يهدم بيوت…… يقتل ولاد …

أو حتى شفته …….فى المنام

لازم فى يوم…… منه أنتقم

يدخل يدنس أرضنا …..

يقتل ويسرق أهلنا ….

ويقول سلام ….فين السلام ؟

فى القدس….. وف أرض الميعاد

دم الشهيد عمر ما …..يمحيه الورق

أو كلمه تطفى قلب أم….. اللى عليه إتحرق

سعيد عزب