.
من حكاوي القمر(3)
إحكي يا قمر
إحكي ميت مليون حكايه
….(دول يدوبك كلمتين)
دول يدوبك كلمتين متنتورين
ف ييجي كـــــام حزمة ورق
طاب هــــــو فين حلم السنين
وفين شــــــبابي إللي إتسرق
ليه ومــــن بختي الـــــحزين
ف لحظه عمري شرق برق
م أنا كنت أخطي الـخطوتين
مــــــفيهاشي ولا نقطه عرق
أجري وأنــــــفد مــــن كمين
خازوق في صدري واخترق
…..
ساعات بحن ال دنيا تانيه
دنيا فيه الــــــحب صافي
بارجع إل أيــــام طفولتي
ليوم فيه أنا كنت حــــافي
وابتسامتي الــــهبله تشفي
يومها حضن ألارض دافي
ويا الــــــــــعابي البسيطه
عجلتي كـــانت من خشب
كنت مالي الــــــدنيا زيطه
مزاجي علي حسب الطلب
مره أفــرح مره أضـــحك
مره أبكي بــــــــدون سبب
..
أيوه بحن ف كــــــــــــــل عمري
لأي سن.
.كنت يـــــــــــــــومها واد مثالي
وكنت جن.
..كنت اقضي الــــــــــيوم بطوله
وعرضه عادي
..وكنت اشوط ف طوب الارض
وكنت هادي
..وكان بيتمناني العب لصالحه
أي نادي…
وكان بيلفح وشي شمس حاميه
يبان سوادي
…كنت دبور في أي حته كمان يزن
……
أيوه بحن لـــــــعالم غير العالم
مدينه فـــــــاضله وروح تسالم
مدينه خــاليه مفيهاش أي ظالم
مدينه فيه الــــــطيبه والبساطه
والنقاء والــــــــــــــروح جميله
روح طفل…ــ.. بِعجلتُه الخشب
وضحكته الـحلوه الجميله
…………………. وقلبه سالم
…….
سيف عثمان
ديوان المبدعين العرب 