( الشباب الجميل )كلمات/صبري حسين
مين اللي قال
مفيش فايدة
وهتفصل طول
عمرها مايلة
مين اللي قال
كل الشباب خايبة
كل اللي شاغلهم
الرقص والتنطيط
واللبس علي الموضة
شباب عقولهم فارغة
ياللي بتقول الكلام
ده علي شباب المصرين
انت عمرك ماعرفت هم مين
شبابنا شباب حر
قادر يتحمل المر
دايما يتحلي بالصبر
لكنه عمره ما يرضي يعيش القهر
شباب في وقت الشدة تلاقيهم
رجال اقوي من الجبال
جيل بيسلم جيل
عمر ما الخوف عرف قلبهم
شايلين كفنهم علي أيديهم
شباب بيعطوا لنا اجمل مثال
علي حب وفداء الوطن
بالعمل مش بالكلام
اكبر مثال كان الجندي محمد صلاح
الشهير بالرسام
طبعا ما هو ابن الابطال
اللي عبروا القنال
حفيد الاحرار
من قديم الزمان
من عصر رمسيس الي الان
مصر عنده خط احمر
يضحي علشانها بكل غالي
تروح اجيال وتبجي اجيال
نفس العقيدة موجودة في الكل
عمرنا ما نرضي بالذل
نتحمل لكن عمرنا مانستسلم
عندنا كتير من الحلم
لكن لما ينفذ الصبر
مفيش غير ضرب النار
هم دول شباب مصر الاحرار
وقت الجد مايعرفوش الهزار
شايلين روحهم علي كفوفهم
يتمنوا يكون علم بلادهم كفنهم
دايما في قلوبهم وعلي ألسنتهم
النصر أو الشهادة
هو ده دستورهم
راسخ في عقيدتهم
بطلنا كان واحد منهم
جيل بيسلم جيل
بطلنا يا جميل
حان وقت الرحيل
بعد ما عرفتنا أنه مفيش مستحيل
الحق دايما فوق الباطل
كلنا فخورين ببطولتك
مش مستغربين شجاعتك
عارفين ان البطولة عقيدتك
الشهادة غايتك
سبحانه حقق رغبتك
في اطهر بقعة كانت نهايتك
كلنا بنودعك
بنبارك لأهلك
انت ابن مصر
انت رمز النصر
كنت لأهلك فخر
وقفت قصاد الفجار
يا عريس الجنة
لك عند الكل محبة
مصر كلها فرحانة
بك وبكل جنودنا البواسل
اللي واقفين علي الحدود
عارفين انكم اسود
يا شهيد علي أرض الحدود
رجعتنا الامل المفقود
في كل شباب بلادنا
أيوة بنلعب ونهزر
لكن في وقت الجد اسود
لا نهاب اي عدو
احنا شباب مصر. الاحرار
عارفين يعني ايه ارض
قادرين علي صيانة العرض
جيل بيسلم جيل
دستورنا عمره ما اتبدل
النصر. أو الشهادة
يا مصر يا غالية
بأذن الله دايما منصورة
راسك دايما مرفوعة
يا بطلنا يا شهيد
يوم شهادتك يوم عيد
رجعت لنا الامل من جديد
يا محمد يارسام
بدمائك رسمت اجمل لوحة
عنوانها بالروح يا مصر نفديكي
بدمائنا نروي ارضك
دايما هنصون عرضك
صبري حسين
ديوان المبدعين العرب 