صدقت وشفت
أنا مرتاح من هم كان جوايا
هم أخواتي وبلدي وأمايا
قضيت الواجب وقلت كفاية
رايح احكي لأبويا الحكاية
الحكاية يا با
أنا راجل زي ما انت اتمنيت
حلفت يمين ل شيل هم البيت
وريحت أمي ويا ما أنا شقيت
رحت الجيش ماصدقت لقيت
لقيت في إيديا سلاح
وقدامي صهاينة والدنيا براح
قلت واللا لاجيب حق اللي راح
دي أرضنا ياما دم فيها ساح
والدم غالي يابا مافهيش سماح
أدي اللحصل يابا
خونة من يومهم يابا زي الديابة
وأحنا أسود بس عيوبنا الطيابة
معروف عنا لكن الظروف غلّابة
والضحكة الحلوة دي بدل الكأبة
صبري الواحي
ديوان المبدعين العرب 