يانسيم
يانسيم رايح مغرب
أبقى سلم لي عليه
قوله قلبي بيه متعلق
وقوله وحشاني عنيه
وقوله الشوق قاتلني
في بعاده مشتاق أليه
يانسيم رايح مغرب
ابقى سلم لى عليه
****************
قول له ليجيني لروح
له نفسي أطمن عليه
أنا طال الشوق وصبري
نفذ قاعد بستني فيه
لو كان زعلان اصالحه
غصبان مني اراضيه
يانسيم رايح مغرب
ابقى سلم لي عليه
****************
والنوم جافى عبوني
سهران يانسيم اناجيه
لو كنت افتح واغمض
قدام عيوني الاقيه
يبقى زماني سعدني
وصفالي لو قابلني بيه
يانسيم رايح مغرب
ابقى سلم لي عليه
****************
يا نسيم أياك تنساني
أوام بلغ سلامي ليه
وقوله فاكره يوماتي
منتظره ومشتاق اليه
بحلم ببكره يرجع وأضمه
وارتاح بين أيديه
يانسيم رايح مغرب
ابقى سلم لي عليه
****************
شاعر العامية/ عبد المنعم حمدى رضوان
ديوان المبدعين العرب 