ربك……..مغرقنا…. جمايل
و مكملها معانا بالستر
وان كان جدار دارك مايل
أوعى تفكر ان ده فقر
الفقر….. ده فقر قلوب
فقر………… مشاعر
عمر ما كان جيبك عيب
طول ما انت مستور و راضي
و الصحة 👑تاج على الراس
اُشكر… اِحمد… اركع و اسجد
اوعاك تسمع لكلام الناس
رضا نفسك للفرحة أساس
ربك اصلا اسمه العدل
و كلنا في ملكوته عبيد
كل الخلق واخد حقه
و لا كفة عن كفة تزيد
ان نقصت صحة زاد المال
واتبدل معاه ….. الحال
و ان كان ميزانك في حاجة
طب……. و مال
اتاكد ان زيك زي بقيت الخلق
ربك اصلا اسمه الحق
كله واخد بالظبط حقه
له احكامه في ملكوته و خلقه
عليك بس انك ترضى
و هتشوف……. فرح
و لا تعرف جاي منين
ربك بس يديمها علينا نعمة
و نعيش شاكرين…. راضين
ساكتين ليه..؟؟
قولوا آمين
دا الرضا فعلا هو الكنز
ربنا يكملها معانا بالستر
#مي_ابراهيم_القاضي
ديوان المبدعين العرب 