سيبولنا العالم شعر خيرى خليل مصر
سيبولنا العالم نحكمه وشوفوا بعدها حيبقى إيه
السلام والامان وبراءة طفولتنا فى كل مكان حتحتويه
لاحلم من حد حيتسرق ولاقلب أم على ضناها حيتحرق
ده مش مجرد كلام على ورق
ده أفعال صغار من أفعال الكبار بتتخنق
لا حيترسم بين دولنا حدود واسوار عاتية
ولاحنفرق بين بيض وسود بأسم العنصرية
حنتقاسم بالعدل وصفاء القلوب من غير حروب
الهوا والشمس والميا وحنعالج المرضى بالمجان
حنحافظ على كرامة الإنسان من غير سجن ولا سجان
حنعلم ونربي احنا الصغار ببراءتنا غطرسة الأشرار
معنى الإنسانية والعدالة الاجتماعية دي فطرة فينا
حنخلى البيئة والطبيعة اللي ربنا وهبها لنا
جنة قدام عنينا لا تصحر ولا جفاف منه نخاف
لا حنسمح لبلادالمجاعات تموت اطفالها من سكات
من غير ما تحرك احساس حد فينا
لا حنشوف امهات واطفال بتغرق فى البحار
ونقول رضينا حنخلي كل أطفال العالم تفرح ذينا
بسماحة وعدل ورحمة وبراءة حكمنا
ديوان المبدعين العرب 