تعب القلوب
عبدالمنعم عدلى…مصر
تعبنا وتعبت
قلوبنا معاكم
مش عارفين
نروح فين وياكم
غيرة وحقد وحسد
ومش كفايا
راح العمر
فى شقانا وياكم
رحنا بعيد وبعدنا
وشيطانكم لساه ويانا
ورجعنا من تانى
وراحت الدنيا
وسبناها معاكم
وبعد من تانى
مش عارف
نعمل إيه وياكم
معدش فاضل
إلاتراب الغربه
وياخوفى لو رحنا هناك
برده هنلاقيكم ويانا
تنخروا فى العظام
وهى رفاة
سبونا فى حالنا ياناس
تعبنا معاكم
دنيا وأخرة
مش عارفين
نعمل إيه وياكم
لاروح باقية
ولاقلب فاضل
ودود أكل اللحم
ونخر العظام عليكم
تعبنا وتعب القلب معاكم
بقلمى عبدالمنعم عدلى
ديوان المبدعين العرب 