ياسر فؤاد

………. فوز وعظيم ………
***********************
يااللي بتفخر هنا وبأصلك
بيه أو عمده عظيم
باشا وصاحب عزبة لازالت
بأسمه ليوم الدين
أيوه صحيح الأصل يونس
حتى إن كان لحريم ..
لكن يعني أسمحلي بكلمة
وكلمة تجر اتنين ؟
أيه هيفيد هنا أصلك لينا
لو انت حرامي متين ؟
أو شاهد وبتشهد مثلا
زور بس بملايين ؟
أو لأخواتك يعني بتمنع
ورث وشرع كريم ؟
لو للخمر معاقر دايما
وحشيش ويا تمول ؟
أو نسوانجي ( أسف في الكلمة )
وعقلك داب في شيرين ؟
أو بتوقع بين مخاليقه
بنقل كلام ولئيم ؟
أو متكبر هنا على خلقه
وأصله وأصلك طين ؟
لو بتحب الظلم وناسه
فأنت معاه ياحزين ؟
والنار ماسه جنابك برضوا
وده بقرآن لحكيم ؟
خلي الأصل يكون أفعالك
خليك جد صميم ؟
أصلك فعلك لك هيعلي
ويوطيك حقبين ؟
أما جدودك ويا جدودي
فأنظر ذو القرنين ؟؟
ملك الدنيا بكل مافيها
كانا ماعاش ليومين ؟
فأي دنية أبعد عنها
لترضي عظيم ورحيم ؟
ده بلال عبد وداخل الجنة
أخبر لينا أمين ؟
وعم شفيعنا محمد صلو
يلا عليه بتسليم ؟
أنزل فيه قرآن وبيتلى
أنه هيصلى جحيم ؟
انا ماقصدتش غير والله
الخير وأكيد عارفين ؟
بدعي المولى ليا وليكم
يبعد عنا أتنين ؟
ضرر الناس والشرك بخالق
دول سيف ليه حدين ؟
وأغفر لينا يارب ذنوبنا
ده انت رحيم نوبتين ؟؟
وأدخل لينا بكرمك جنة
فيها الحور العين ؟
واللي داخلها هو الفايز
يومها وفوز وعظيم ؟
بقلم .. ياسر فؤاد الجدي
السبت .. ١٩/٨/٢٠٢٣