عادل النوبي

(الأصل واحد)…
فتحت الباب…
علقت الشنطة على كتفي…
لقتيني بطير…
أنوار تقيد وأنوار تطفي…
وفجأة لقيتني…
برة الأرض…
شايف خطوط…
الطول والعرض…
شايف وحاسس ….
في عروقي نبض….
لقيتني بطيييير…
فوق السحاب…
فوق الغيوم…
فوق الضباب…
فوق الهموم…
الأصل واحد……
كلنا من أدم…
الكل خلق الله……..
وعبيدُه…
ليه في حروب….
وليه بنتصادم…
أه من عمايل….
ابن أدم بإيدُه….
الأرض أرض الله….
رسمتوا فيها حدود…
طمع في مُلك وجاه…
وأخرتك للدود….
الخطوة ضلّت….
والبشر تاهت…
إتفرقوا لعالَم….
وعالَم تالت….
في كل دين…
الناس سواسية….
الضماير غايبة….
والقلوب مالت….
وفجأة لقيتني…
برة الأرض….
شايف خطوط….
الطول والعرض…..
كلمات.. عادل النوبي…
°°°°°°°°°°°°°°°°°°°°°

@Adel ElNoby