عازار الريم

……………قطفة حبق………

…………….يا بيتا…….

يابيتا قلبي دايب شوق حواليك

قلي ليش صاير شايب زعلان عليك

………….
درجاتك هالمغبرا من طول الهجر

رميتلي قلبي بجمرا ودبت من القهر

كيف الشقرا والسمرا رفقات العمر

نسيوني باول سفرا وما سألو عليك

…. ..
جيرانك عطفو عليي وقالو مسكين

مضيع عمرو ياخطيي بحب الحلوين

وصارت دمعة عينيي تكوي الخدين

عا نوارك هالمطفيي بكل لياليك

….. ……
شوقولك متلي متلك والحمل تقيل

ع فراقن بدنا نهلك والصبر يعيل

بعدك باقي بمحلك ضو بلا فتيل

من روحي رح وصلك نور يضويك

يابيتا قلبي دايب شوق حواليك.

من مجموعتي رفة جفن.

يسعد صباحكن بالامل والحب والحياة.

عازار الريم سورية.