هبة الله يوسف

إتق شر الحليم إذا غضب

بقلم🖋️ ورسم🖌️
هبة الله يوسف محمود سند
كاتبة وفنانة تشكيلية
اقلام فحم
م 50* 35 سم

الحبر جف من القلم..
والصوت صرخ..
هفضل لإمتى
أعيش ألم
أكتب ألم
أرسم ألم
أنا مش حجر..

حتى الحجر
نقطة مطر
قادرة تعلم عمر فيه..

وأنا لو عليا الكيل طفح..

حتى الفرح
لو يوم ملامحي تناجي ليه..
بلاقي سؤال الكل ليه..

وكأن الفرح خساره فيا
أحس بيه ..
زمان قالوها إن الحليم
غضبه عظيم..
بس الحقيقة
إن الحليم عمره في يوم ما يكون لئيم..
أو يتقلب شيطان رچيم..

كل الحكاية من البداية للنهاية
إن الحليم
عاش عمره كلـه
نضيف.. رحيم
قلبه سليم
ويوم م طال الظلم قلبه..
وكان مقابل طيبته ذله..
صرخ بعزم مافيه
بيسأل ذنبه إيه ………..

هہمہسہآتہ حہآئرة