ربيع السيد دسوقي

(((( ألف سلامه ))))
بقلمى / ربيع السيد
……………………

ألف سلامه عليكي يا حبيبتي
ألف سلامه .. ألف سلامه
لو تعرفي إيه اللى جرالي
لما عرفت إنك تعبانه
كنت بفكر أجي وأشوفك
لكن خُفت من الملامه
وألف سلامه عليكي يا حبيبتي
ألف سلامه .. ألف سلامه
…………………………
ياريتني كنت حبيبتي مكانك
وأشيل عنك جرحك وألامك
والأه أقولها انا بدالك
وهاكون يا حبيبتي سعيد وراضي
لو حتي أضحى بعمري عشانك
ياريتني كنت حبيبتي مكانك
…………………………..
بدعيلك من قلبى يا غاليه
يارب تقومي بالسلامه
دا أنا ساعة ما عرفت وتايه
وكأني بعيش فى دوامه
وإتمنيت إني أكون جنبك
لكن خُفت من الملامه
وألف سلامه عليكي يا حبيبتي
الف سلامه .. ألف سلامه
…………………..
إبعد يا جرح عنها
إبعد وسيبها فى حالها
وإن كنت عايز تجرح
إجرحنى أنا بدالها
مش عايز أشوفها بتتألم
او أشوف دمعه فى عيونها
إبعد يا جرح عنها
……………………
بدعيلك وبكل أمانه
تقومي وبألف سلامه
بتمني أشوفك وتكوني
علي طول سعيده وفرحانه
وإتمنيت إني أكون جنبك
لكن خُفت من الملامه
وألف سلامه عليكي يا حبيبتي
ألف سلامه .. ألف سلامه
……………………………..

كلمات / ربيع السيد دسوقي
……………………………..