عمر الفسيخ مابقى شربات
××××××××××××××××
أوعاك تفتكر إن الفسيخ….. في يوم ح يبقى شربات
طول عمر الفسيخ زفر ……سمك مملح وعَفن ومات
وناس بتتحنجل على ناس….. وبتتشلقب شقلبظات
وناس بتحب أذية الغير من غير سبب أو خصومات
وناس رخيصة باعت ضميرها………. في كل الحالات
وناس بتحقد بغل وبتتمنى ……..ليك زوال النعمات
وناس بتطبل ع الطبلة والرق …وبترقص بالصاجات
وناس بتحب الخير وبتكرة……. ليك الظلم والظلمات
وناس قلبها أبيض ودول قليلين بنسيج المجتمعات
وناس قلبها إسود بتدور ..على مصيبة من المصيبات
دنيا غريبة ملهاش عزيز …ولا غالى ولا فيها أنتمئات
والغدر فيها كثر والطعن …..بالظهر سمة من السمات
والشاطر فيها يحفظ على دينه وعبادة رب السموات
ويهجر الشر ويبعد ………….عن الخبث والخَبيثات
ويمشى على الصراط…………. المستقيم حتى الممات
أوعاك تفتكر إن الفسيخ…… في يوم ح يبقى شربات
أديب وشاعر مهندس/ محمد عوض
22/8/2023
ديوان المبدعين العرب 