جمال حلمي

سنين بنكتب أشعار

عن بُكره وظلم السادة

سنين ورا سنين

والظلم لسه وزيادة

طب نكتب تاني لمين

يكون رحيم ياسادة

حاسبها صح وزين

وعامل للأخرة قيامه

عشمان وعشمي كبير

اشوف ف الظالم ساعة

بيبكي بُكا أليم

ليعرف الظلم مهانة

مظاليم مساكين ساكتين

ولا حد عارف حاجة

على القدرة كمان عايشين

في دنيا بقت غابة

الليل ساتر المظلوم

ونهاره دموع وندامة

والظالم قلبه حديد

عايش حياته حلاوة

وصبايا على الصفين

لزوم الظلم ياسادة

سنين بنكتب أشعار

عن ظلم حديث الساعة

الظالم يطلع مظلوم

وبريئ من تهمه نكاية

وأخرتها إيه ف الناس

اللي عايشين عاله

على غيرهم المساكين

واصحاب العيال اللجاجة

سنين بنكتب أشعار
بقلمي/ جمال حلمي ابراهيم عامر
…………………………………………