لمبه جاز نمره عشره
عشنا معاها الذكريات
وياما منها الشعر شاط
والأزايز تنكسر
كده من سكات
ودخانها يملا المكان
من السعال تيجي الآهات
بس نورت عقولنا
شافت معانا الذكريات
ياما سهرت الليل معانا
ماشيه حسب التعليمات
ياللا خش جوه ذاكر
فيه اللى نجح و اللي بات
كانت أجمل ذكريات
على الطبلية نعد دواير
نجمع و نطرح في الحسابات
بين الكلمات حرف طاير
ما في بين الحروف مسافات
في الجعرافيه العقل حاير
في الخرايط مخطوطات
و في التاريخ العقل سافر
من روعة الغزوات
و في العلوم رموز تحير
لا في معامل و لا تحليلات
لمبة جاز نمره عشره
عشنا معاها الذكريات
(((أسامه جديانه)))
ديوان المبدعين العرب 